ഷമിക്ക് പകരം അര്‍ഷ്ദീപ് ഇലവനില്‍; നാലാം ടി20യില്‍ ഇന്ത്യയ്‌ക്കെതിരെ ഇംഗ്ലണ്ടിന് ടോസ്

ഇംഗ്ലണ്ടിനെതിരായ നാലാം ടി20 മത്സരത്തില്‍ ഇന്ത്യയ്ക്ക് ആദ്യം ബാറ്റിങ്. ടോസ് നേടിയ ഇംഗ്ലണ്ട് ആദ്യം ഫീല്‍ഡിങ് തിരഞ്ഞെടുത്തു. പൂനെയിലെ മഹാരാഷ്ട്ര ക്രിക്കറ്റ് അസോസിയേഷൻ സ്റ്റേഡിയത്തിലാണ് മത്സരം.

മൂന്ന് മാറ്റങ്ങളുമായാണ് ഇന്ത്യ നാലാം ടി20യില്‍ ഇറങ്ങുന്നത്. സൂപ്പര്‍ പേസര്‍ മുഹമ്മദ് ഷമിക്ക് പകരം അര്‍ഷ്ദീപ് സിങ് ഇലവനിലേക്ക് മടങ്ങിയെത്തി. ധ്രുവ് ജുറേലിന് പകരം റിങ്കു സിങ്ങും വാഷിങ്ടണ്‍ സുന്ദറിന് പകരം ശിവം ദുബെയും സ്‌ക്വാഡില്‍ ഇടംപിടിച്ചു.

ഇംഗ്ലണ്ടും മാറ്റങ്ങളുമായാണ് പൂനെയില്‍ ഇറങ്ങുന്നത്. മാര്‍ക്ക് വുഡിന് പകരം സാക്കിബ് മഹ്‌മൂദും ജാമി സ്മിത്തിന് പകരം ജേക്കബ് ബെത്തലും ടീമിലെത്തി.

ഇന്ത്യ പ്ലേയിംഗ് ഇലവൻ: സഞ്ജു സാംസൺ (വിക്കറ്റ് കീപ്പർ), അഭിഷേക് ശർമ്മ, സൂര്യകുമാർ യാദവ് (ക്യാപ്റ്റൻ), തിലക് വർമ്മ, ഹാർദിക് പാണ്ഡ്യ, ശിവം ദുബെ, റിങ്കു സിംഗ്, അക്സർ പട്ടേൽ , അർഷ്ദീപ് സിംഗ്, രവി ബിഷ്ണോയ്, വരുൺ ചക്രവർത്തി.

ഇംഗ്ലണ്ട് പ്ലേയിംഗ് ഇലവൻ: ഫിലിപ്പ് സാൾട്ട് (വിക്കറ്റ് കീപ്പർ), ബെൻ ഡക്കറ്റ്, ജോസ് ബട്ട്‌ലർ (ക്യാപ്റ്റൻ), ഹാരി ബ്രൂക്ക്, ലിയാം ലിവിംഗ്സ്റ്റൺ, ജേക്കബ് ബെഥേൽ, ജാമി ഓവർട്ടൺ, ബ്രൈഡൺ കാർസെ, ജോഫ്ര ആർച്ചർ, ആദിൽ റഷീദ്, സാഖിബ് മഹ്മൂദ്.

Content Highlights: India vs England 4th T20I: ENG wins toss and opts to bowl first vs IND in Pune